வியாபம் ஊழல்

                                                                                                               

           

பலகோடி ரூபாய் பண முறைகேடுகள், 49 பேரின் மர்ம மரணங்கள் என்று நீளும் வியாபம் முறைகேடு, உச்ச நீதிமன்றம் தலையிட்டு சிபிஐ விசாரணைக்கு உத்தரவிடும் நிலைக்கு விஸ்வரூபம் எடுத்துள்ளது. அதே நேரத்தில் மத்தியப் பிரதேசத்தில் பாஜக ஆட்சியில் இருப்பதால், அம்மாநில முதல்வருக்கும், அக்கட்சிக்கும் நெருக்கடி அதிகரித்துள்ளது.

அமலாக்கப் பிரிவால் தேடப்பட்டுவரும் முன்னாள் ஐபிஎல் தலைவர் லலித் மோடிக்கு உதவிய விவகாரத்தில் மத்திய அமைச்சர் சுஷ்மா ஸ்வராஜ் மற்றும் ராஜஸ்தான் மாநில முதல்வர் வசுந்தரா ராஜே ஆகியோர் பலத்த குற்றச்சாட்டுகளுக்கு உள்ளானபோதும், பாஜக  தலைமை அதற்கு நடவடிக்கை எடுக்கும் அளவிற்கு இறங்கவில்லை. அதேபோல மகாராஷ்ட்ரா அமைச்சர் பங்கஜா முண்டே மீது 100 கோடி ரூபாய் ஊழல் புகார் கூறப்பட்ட விவகாரத்திலும் பாஜக தலையிடவில்லை. அதனால் ம.பி. விவகாரத்திலும் பாஜக மௌனம் சாதிக்கும் என்றே கூறப்படுகிறது.

இருந்த போதிலும் காங்கிரஸ் கட்சி இந்த விவகாரங்களை அவ்வளவு எளிதாக விட்டுவிடுவதாக இல்லை. நாடாளுமன்ற மழைக்கால கூட்டத்தொடர் விரைவில் தொடங்க உள்ள நிலையில், பாஜகவுக்கு எதிராக கடும் நெருக்கடிகளை கொடுக்க தொடங்கியுள்ளது.

இந்நிலையில் மத்தியப் பிரதேசத்தில் தொழில் முறை தேர்வு வாரியமான 'வியாபம்' எப்படி ஊழல் முறைகேடுகளின் கேந்திரமாக மாறியது, 4 ஆண்டுகளுக்கும் மேலாக ஊழல் பயணம் எப்படி நடத்தப்பட்டது என்பது குறித்த பல்வேறு அதிர்ச்சித் தகவல்கள் வெளியாகியுள்ளன.

'வியாபம்'  ஊழலில் 4 நூதனமான முறைகள் கையாளப்பட்டுள்ளன. தொழில்முறைக் கல்வி நிறுவனங்களில் மாணவர்களைச் சேர்ப்பதற்கும், அரசு வேலையில் சேர்வோருக்கும் தகுதித் தேர்வு நடத்துவதுதான் 'வியாபம்' நிறுவனத்தின் பிரதான பணியாகும். இந்நிலையில், தகுதித் தேர்வை எழுத விரும்பாதவர்கள் லஞ்சம் கொடுத்து கல்லூரிகளில் அல்லது அரசு வேலைகளில் சேர்ந்துள்ளதாக  குற்றச்சாட்டு எழுந்துள்ளது.

இது தொடர்பாக இதுவரை 2 ஆயிரத்துக்கும் மேற்பட்டோர் கைது செய்யப்பட்டுள்ளனர். இவர்களில் 3ல்  2 பேர் மாணவர்கள் அல்லது அவர்களது பெற்றோர் ஆவர். 70 பேர் இடைத்தரகர்களாக செயல்பட்டவர்கள் ஆவர். இதுதவிர இவ்வழக்கில் குற்றம்சாட்டப்பட்டோர் மற்றும் சாட்சிகள் 49 பேர் மர்மமான முறையில் இறந்துள்ளனர்.  ஊழல் முறைகேட்டில் ஆயிரக்கணக்கில் கைதுகள், 49 பேர் மரணம், ஆளுநர், முதல்வர் என்று உச்ச பட்ச அதிகாரங்கள் ஈடுபட்டிருப்பது இதுவே முதன்முறை என்பதால், இவ்விவகாரத்தில் ஊடகங்களின் கவனமும் குவிந்திருக்கிறது.

இந்த மோசடி, தொழில்நுட்பம் மூலம் நடைபெறவில்லை. மாறாக 4 நூதன முறைகளில் இந்த ஊழல் நடைபெற்றுள்ளது தெரியவந்துள்ளது. 'வியாபம்' தேர்வை எழுதாமலேயே கல்லூரியிலோ அல்லது அரசு வேலையிலோ சேர விரும்புகிறவர்களை இடைத்தரகர்கள் அடையாளம் கண்டு இந்த மோசடி அரங்கேற்றப்பட்டுள்ளது.

இதன்படி, தேர்வுக்கூட நுழைவுச்சீட்டில் விண்ணப்பதாரரின் புகைப்படத்துக்கு பதில் திறமையான ஒருவருக்கு லஞ்சம் கொடுத்து அவரது புகைப்படத்தை ஒட்டி ஆள் மாறாட்டம் செய்து தேர்வெழுத அனுமதித்துள்ளனர்.

நுழைவுச்சீட்டில் உள்ள பெயருக்கும், புகைப்படத்துக்கும் உள்ள முரண்பாட்டைக் கண்டு கொள்ளாமல் இருப்பதற்கு தேர்வுக்கூட கண்காணிப்பாளருக்கு லஞ்சம் கொடுத்து ஈடுகட்டியுள்ளனர். தேர்வு முடிவு வெளியானதும், தேர்வு எழுதியவரின் புகைப்படத்தை நீக்கிவிட்டு, உண்மையான விண்ணப்பதாரரின் புகைப்படத்தை விண்ணப்பத்தில் ஒட்டியுள்ளனர்.

அடுத்து, திறமையான மாணவர்கள் தேர்வில் வெற்றி பெற்று கடைசி நேரத்தில் கல்லூரியில் சேராமல் போனது போல் மோசடி செய்துள்ளனர். அந்த இடங்களை வேறு மாணவர்களுக்கு வழங்க கல்லூரி நிர்வாகத்துக்கு அதிகாரம் உள்ளதாகக் கூறி, பணத்தைப் பெற்றுக் கொண்டு கல்லூரியில் இடங்களை ஒதுக்கியுள்ளனர்.

மூன்றாவதாக, விண்ணப்பதாரர் சார்பாக தேர்வெழுத திறமையானவர்கள் கிடைக்காத பட்சத்தில், தேர்வு அறையில் திறமையானவர்களுக்கு பின்னால் லஞ்சம் கொடுத்தவர்களை அமர வைத்து ‘காப்பி’ அடிக்க அனுமதித்துள்ளனர்.

நான்காவதாக, திறமையானவர்கள் கிடைக்காதபட்சத்தில் மாணவர்களை தேர்வெழுத அனுமதித்து விட்டு, கணினியில் சாப்ட்வேர் உதவியுடன் மதிப்பெண்ணை திருத்தி சான்றிதழை வழங்கியுள்ளனர். இந்த முறைகளில் மிக எளிதாக சட்ட மீறல் நடந்துள்ளது மிகப்பெரிய அளவிற்கு ம.பி. அரசுக்கு தலைகுனிவை ஏற்படுத்தியிருக்கிறது.

நிலம் கையகபடுத்தும் மசோதா

 நிலம் கையகப்படுத்துதல், மறுவாழ்வு, மறுகுடியேற்றம் சட்டம்,கடந்த 2013–ம் ஆண்டு அப்போதைய காங்கிரஸ் கூட்டணி அரசால் கொண்டுவரப்பட்டது.

 இப்போது இந்த சட்டத்தில் சில திருத்தங்களைக் கொண்டு வந்து பா.ஜனதா அரசு கடந்த ஆண்டு டிசம்பர் 31–ந் தேதி அவசர சட்டம் ஒன்றை பிறப்பித்தது.

 இந்த அவசர சட்டம் அறிவிக்கப்பட்ட நாளில் இருந்து நடைமுறைக்கு வருவதாககும் கூறப்பட்டது.

 நிலம் கையகப்படுத்துதல் சட்டத்தில் கொண்டு வரப்பட்டுள்ள திருத்தங்களுக்கு கடும் எதிர்ப்பு கிளம்பி இருக்கிறது.

 நிலம் கையகப்படுத்துதல் அவசர சட்டம், ஏழை விவசாயிகளை பெரிதும் பாதிக்கும் என்றும், தொழில் அதிபர்களுக்கு ஆதரவானது என்றும் அவர்கள் குரல் எழுப்புகிறார்கள்.

 மத்திய அரசு கொண்டு வந்து இருக்கும் சட்ட திருத்தத்தில் கூறப்பட்டு இருப்பது என்ன என்று பார்க்கலாம்.

 ஏற்கனவே உள்ள சட்டத்தில், நிலம் கையகப்படுத்தும் போது சில குறிப்பிட்ட விஷயங்களுக்காக நிலம் கையகப்படுத்தினால், அதற்கு நிலம் உரிமையாளர்களிடம் 80 சதவீத முன் அனுமதி கேட்க தேவை இல்லை என்று சட்டத்தின் 10(ஏ) என்ற விதி கூறுகிறது. இதில் இப்போது திருத்தம் கொண்டு வரப்பட்டுள்ளது.

 அதாவது, 5 பிரிவுகளுக்காக நிலம் கையகப்படுத்தும் போது, நிலத்தின் உரிமையாளரின் 80 சதவீத அனுமதி பெறத் தேவை இல்லை.

 அவை –

 1. தேசிய பாதுகாப்பு தொடர்பானவை.

 2.ராணுவம் தொடர்பானவை.

3. மின்சார திட்டத்தை உள்ளடக்கிய அடிப்படை ஆதார வசதிகள்.

 4. தொழில் பூங்காக்கள்.(இனடஸ்டிரியல் காரிடார்ஸ்)

 5. ஏழைகளுக்கு வீடு கட்டும் திட்டங்கள் (தனியார்–அரசு, பங்களிப்புடன் கூடிய திட்டங்களான இவற்றில் நிலத்தின் உரிமை மத்திய அரசிடமே தொடர்ந்து இருக்கும்)

 நிலத்தை கயகப்படுத்தும் போது அந்த நிலம் விவசாம் செய்வதற்கு உரிய நிலமா என்பது கவனிக்க்ப்படவேன்டும் என்று முன்பு இருந்த சட்டட்த்தில் கூறப்பட்டு இருந்தது.

 ஆனால் இப்போது கொ0ண்டு வரப்பட்டுள்ள அவசர சட்டத்தில், மேற்கண்ட 5 அமைப்புகளுக்கு நிலத்தை கையகப்படுத்தும்போது அந்த நிலம் விவசாயம் செய்கின்ற நிலமா என்பதை பார்க்கத் தேவை இல்லை.

 அதாவது, மேற்கு வங்காளத்தில் சிங்ரூர் என்ற இடத்தில் விவசாய நிலம் கையகப்படுத்தியம்போது கடும் எதிர்ப்பு கிளம்பியது. ஆனால், புதிய சட்ட திருத்தத்தில், நிலத்தை கையகப்படுத்தும்போது அது விவசாயம் செய்யும் நிலமா அல்லது புறம்ப்போக்கா என்பதை பார்க்கத் தேவை இல்லை. அதாவது செழிப்பான விவசாய நிலத்தைக்,கூட கையகப்படுத்த முடியும்.

 கடந்த காலத்தில் உள்ள சட்டத்தின்படி நிலத்தை கையகப்படுத்தும்போது, அதனால் யார், யார் பாதிக்கப்படுவார்கள் என்று பார்த்து அவர்களுக்கு இழப்பீடு வழங்கப்படும். அதாவது நிலத்தின் உரிமையாளர் தவிர அங்கு பணிபுரியும் விவசாயிக்கும் இழப்பீடு வழங்கப்படும்.

 ஆனால், புதிய சட்ட திருத்தத்தின்படி, நிலத்தின் உரிமையாளருக்கு மட்டுமே இழப்பீடு கிடைக்கும்.

 கடந்த ஆட்சியில் கொண்டு வரப்பட்ட சட்டப்படி. நிலம் கையகப்படுத்துவதால் பாதிக்க்ப்பட்டவர்களுக்கு, இழப்பீடு, புணரமைப்பு மற்றும் மறு குடியேற்றம் தொடர்பாக ஒரே மாதிரியான திட்டம் இல்லை.

 ஆனால், அவசர சட்டம் மூலம், கீழ்க்கண்ட 13 சட்ட பிரிவுகளும் இதில் இணைக்கப்பட்டு, அவற்றும் இழப்பீடு, புணரமைப்பு, மறுகுடியேற்றம் வழங்கப்படும் என்று கூறப்பட்டுள்லது.

 அவை வருமாறு:–

 1.நிலக்கரி வளம் உள்ள பகுதிகள் கையகப்படுத்துதல் மற்றும் வளர்ச்சி சட்டம் 1957.

 2. தேசிய சாலை சட்டம் 1956.

3. நிலம் கையகப்படுத்துதல் (சுரங்கம்) சட்டம் 1885.

4. அணுசக்தி சட்டம் 1962.

 5. இந்திய டிராம்வே சட்டம் 1886.

6. ரெயிவே சட்டம் 1989.

7. பழங்கால நினைவகங்கள், தொல்பொருள் ஆய்வு சட்டம் 1958.

8.பெட்ரோலியம், கனிமவள பைப்லைன் சட்டம் 1962.

9.தாமோதர் பள்ளத்தாக்கு கார்ப்பரேசன் சட்டம் 1948.

10.மின்சார சட்டம் 2003.

11. அசையா சொத்து கேட்பு மற்ரும் கைப்பற்றுதல் சட்டம் 1952.

12. நிலம் கையகப்படுத்துவதால் இடம் பெயர்ந்தோர்களுக்கான மறுகுடியேற்றம் சட்டம் 1948.

 13. மெட்ரோ ரெயில்வே கட்டுமான வேலை சட்டம் 1978.

 மேற்கண்டவகைகளுக்கான நிலம் கையகப்படுத்தும் போதும் அதனால் பாதிக்கப்படுபவர்களுக்கு கூடுதலாக இழப்பீடு, புணரமைப்பு, மறுகுடியேற்ற சலிகைகள் கிடைக்கும்.

 நிலம் கையகப்படுத்தும் போது அதனால் பாதிக்கப்படுபவர்களுக்கு, நகர்ப்புர நிலம் என்றால், மார்க்கெட் விலையில் 4 மடங்கும், ஊரகபகுதி நிலம் என்றால் பாதிக்கப்படுபவர்களுக்கு மார்க்கெட் விலையில் இரன்டு மடங்கும் இழப்பீடு வழங்கப்படும் என்று முந்தைய சட்டத்தில் கூறப்பட்டு இருந்தது.

 இந்த தொகையை உயர்த்த வேண்டும் என்று பல கோரிக்கைகள் விடப்பட்டன. ஆனால் புதிய சட்டதிருத்தத்திலும் இதே அளவு இழப்பீடே அறிவிக்கப்பட்டுள்ளது.

 மத்திய அரசு கொண்டு வந்துள்ள சட்ட திருத்தம், பிரதமர் மோடியின் கனவு திட்டமான இந்தியாவில் தயாரிப்போம் என்பதை நிறைவேற்றுவதற்காக அதிக அளவு முதலீடுகளை எதிர்பார்க்கும் நோக்கில் தொழில் அதிபர்களுக்கு சலுகை வழங்குவதாகவும், ஏழை தொழிலாளிகளை பாதிக்கும் வகையிலும் இருப்பதாகவும் எதிக் கட்சிகள் கூறி, அவசர சட்டத்தை எதிர்க்கின்றன. 

நடப்பு நிகழ்வுகள்

நடப்பு நிகழ்வுகள் : விக்கிபீடியா   

விக்கிநூல்கள் : நடப்பு நிகழ்வுகள்

  நடப்பு நிகழ்வுகள் 

நக்கீரன் நடப்பு நிகழ்வுகள்

வார்ப்புரு : நடப்பு நிகழ்வுகள்

உலகிலேயே மிக வேகமாக ஓடும் உயிரினம்

(வாஷிங்டன், ஏப். 29, 2014) உலகில் வாழும் விலங்கினங்களில் அதிவேகமாக பாய்ந்து செல்வதில் சிறுத்தை புலி முதல் இடத்தை பிடித்து இருந்தது. அது மணிக்கு 97 கி.மீட்டர் வேகத்தில் ஓடும் திறன் கொண்டது.
ஆனால் அதன் வேகத்தை ஒரு சிறிய பூச்சி மிஞ்சி சாதனை படைத்துள்ளது. அது தெற்கு கலிபோர்னியா பூச்சி என்றழைக்கப்படுகிறது. அது சிறுத்தையை விட 20 மடங்கு அதிவேகமாக ஓடுகிறது.
இது மணிக்கு 2092 கி.மீ. வேகத்தில் ஓடுகிறது. இந்த பூச்சி இனத்தை சமீபத்தில் தான் விஞ்ஞானிகள் கண்டுபிடித்தனர்

புதிய கோள்

(18 April 2014)வான்வெளியில் தோற்றத்திலும், அளவிலும் பூமியைப் போன்று காணப்படும் புதிய கோளை நாசா விஞ்ஞானிகள் கண்டுபிடித்துள்ளனர்.
பூமியில் இருந்து சுமார் 490 ஒலி ஆண்டுகள் தொலைவில் உள்ள இந்த கோளின் தோற்றத்தைப் பார்க்கும் போது, மிதமான வெயிலும், மிதமான குளிரும், நீர் இருப்பதற்கான ஆதாரங்களும் தெரிகின்றன.
இந்த புதிய கோளுக்கு கெப்லர் 186 எஃப் என்று பெயரிடப்பட்டுள்ளது. இது பூமியை விட சற்று பெரியதாக, பாறைகள் நிறைந், அதிக புவிஈர்ப்பு சக்தி உள்ளதாகவும் இருக்கிறது. இது பூமியில் இருந்து வெகு தொலைவில் இருப்பதால், இதனை மனிதன் சென்றடைவது கடினமான பணியாக இருக்கும் என்று கூறப்படுகிறது.

திரையரங்குகள் தினம் ( ஏப்ரல் 18)

உலகப் பொதுமறையெனத் திருக்குறளைச் சொன்னால், உலகப் பொது அரங்கங்கள் எனத் திரையரங்குகளைச் சொல்லலாம். திருக்குறள் ஜாதி, மத, இன, மொழி பேதமின்றி அனைவருக்கும் பொருத்தமான நல்ல விஷயங்களைச் சொன்னது. அதேபோல், எந்த ஜாதி, மதம், இனம், மொழி, பொருளாதாரம் என்று எந்த ஏற்றத்தாழ்வும் பாராட்டாமல் அனைவரும் வந்து சேர்ந்து, திரைப்படங்களைக் கொண்டாடும் இடம் திரையரங்குகளே. யோசித்துப் பாருங்கள். திரையரங்கங்களில் அனைத்துத் தரப்பு மக்களுடன் சேர்ந்து, படம் பார்க்கும் அனுபவத்திற்கு ஈடு இணையே இல்லை. அதனால்தான், மக்களின் வாழ்வில் ஒரு முக்கிய அங்கமாக திரையரங்குகள் மாறிவிட்டன.

இன்று ஏப்ரல்,18. சினிமாவைத் தென்னிந்தியாவுக்குக் கொண்டுவந்த சாமிக்கண்ணு வின்சென்டின் பிறந்த நாள். இது ‘திரையரங்குகள் தின’மாக 80-20 மூவீஸ் கார்ப் என்ற அமைப்பால் கொண்டாடப்படுவது வரவேற்கத்தக்கது.

இயக்குனர் ரா. பார்த்திபன், 1999-ல், ஹவுஸ் ஃபுல் என்ற தேசிய விருது பெற்ற படத்தில், திரையரங்குகளின் உன்னதத்தை அருமையாகச் சொல்லியிருப்பார். தென்னிந்தியாவின் முதல் திரையரங்கை தமிழகத்தில் நிறுவி தமிழர்களுக்குப் பெருமை சேர்த்தவர் சாமிக்கண்ணு வின்சென்ட்.

ரயில்வே ஊழியரின் தொடர் பயணம்

லூமியர் சகோதரர்கள், பாரிஸில் முதன் முறையாக ஒரு திரைப்படத்தைக் காண்பித்த 10 வருடங்கள் கழித்து, 21 வயதே ஆன சாமிக்கண்ணு வின்சென்ட், கோயம்புத்தூரில் ஒரு சினிமா இயக்கத்தைத் தொடங்கினார். தென்னிந்திய ரயில்வேயில் மாதம் ரூபாய் 25 சம்பளம் வாங்கிக்கொண்டு, திருச்சியில் குமாஸ்தாவாக வேலை செய்துவந்த அவர், மவுன சினிமாவின் சுவையை, இந்தியா வந்திருந்த டு பான்ட் என்ற பிரெஞ்சு விநியோகஸ்தர் மூலம் அறிந்து கொண்டார். பிப்ரவரி 1905-ல், அந்த பிரெஞ்சுக்காரர் உடல்நிலை சரியில்லாமல் தாயகம் திரும்ப முடிவு செய்தபோது, அவருக்கு நண்பராக இருந்த வின்சென்ட், மிகுந்த கஷ்டங்களுக்கு இடையில், ரூபாய் 2250-ஐ ஏற்பாடு செய்து, டு பான்டிடம் இருந்த டூரிங் சினிமா புரொஜக்டரையும், திரையையும், மவுனப் படங்களையும், மீதம் உள்ள கருவிகளையும் வாங்கினார். இவற்றைக் கொண்டு சினிமாவைத் தென்னிந்தியாவுக்கு 1905-ல் அறிமுகம் செய்தார்.

18 ஏப்ரல் 1883-ல் கோயம்புத்தூரில் பிறந்த வின்சென்ட் அதன் பிறகு திரைப்படங்களுடன் பயணிக்கத் தொடங்கினார். முன்னோடியான ‘லைஃப் ஆஃப் ஜீஸஸ்’ என்ற மவுனப் படத்துடன் தொடங்கிய இந்தப் பயணம் பல ஆண்டுகள் தொடர்ந்தது. சினிமா மீது இருந்த மோகத்தால், தன்னுடைய வேலையை ராஜினாமா செய்துவிட்டு, அந்த டூரிங் சினிமாவை அவர் இந்தியாவின் பல இடங்களுக்கும், வெளிநாடுகளுக்கும் (மலேசியா, லாகூர், பெஷாவர், மியான்மர் / பர்மா, ஆப்கானிஸ்தான்) கொண்டுசென்றார். கோயம்புத்தூருக்கு அருகில் டென்ட் போட்டுத் திரைப்படங்களைக் காண்பிக்க ஆரம்பித்துப் பெருவாரியான மக்களைக் கவர்ந்தார். அவரின் இந்த முயற்சியால், ‘டென்ட் சினிமா’ மிகவும் பிரபலமானது. பிறகு 1905-ல் வின்சென்ட் முதல் டென்ட் சினிமாவை சென்னையில், எஸ்பிலனேட் என்ற பகுதியில், ‘எடிசன் கிராண்ட் சினிமா மெகாபோன்’ என்ற பெயரில் தொடங்கி மக்களுக்கொரு பொழுதுபோக்கு அரங்கை உருவாக்கினார்.

கொடுத்து வைத்த கோவை நகரம்

ஆசியா முழுவதும் பயணம் செய்தபின், முதல் நிரந்தரத் திரையரங்கை கோயம்புத்தூரில் 1914-ல், வெரைட்டி ஹால் டாக்கீஸ் என்ற பெயரில் (தற்போது டிலைட் என்ற பெயரில் இயங்கி வருகிறது) நிறுவினார். அதுவே, தென்னிந்தியாவில் முதல் நிரந்தரத் திரையரங்கமாக உருவானது. திரையரங்கில் உள்ள மாய சக்தியைத் தென்னிந்தியாவில் கோயம்புத்தூர் மக்களே முதலில் அனுபவித்தனர்.

ஒரு திரையரங்கில் ஆரம்பித்து, 12 திரையரங்குகளை

வின்சென்ட் கோயம்புத்தூரில் நிறுவினார். அத்துடன், ‘வள்ளித் திருமணம்’ என்ற படத்தை 1933-ல் தயாரித்து வெளியிட்டுப் பெரும் வெற்றிகண்ட வின்சென்ட், மேலும் சில படங்களை சென்ட்ரல் ஸ்டூடியோவுடன் இணைந்து தயாரித்தார். இந்த வருடம் நூற்றாண்டு (1914-2014) காணும் முதல் தென்னிந்தியத் திரையரங்கைக் கொண்டாட வேண்டிய நேரம் இது. அத்துடன், தென்னிந்தியாவுக்கு சினிமாவை அறிமுகம் செய்த சாமிக்கண்ணு வின்சென்ட்டை தென்னிந்தியா சினிமாவின் தந்தையாக அங்கீகரித்து அவரின் பிறந்த தினமான இன்றைய நாளை சினிமாவை நேசிக்கும் அனைவரும் கொண்டாட வேண்டும்.

ஏன் இந்த நிலை?

வின்சென்ட்டால் துவக்கப்பட்ட இந்த நிரந்தரத் திரையரங்குகள் புரட்சி தமிழகம் முழுவதும் பரவி, ஒரு காலகட்டத்தில் 2,000 திரை அரங்குகளுக்கு மேல் ஏற்படுத்தப்பட்டு, தமிழ் சினிமாவுக்கு வசந்த காலத்தை ஏற்படுத்தியது. தொழில் நுட்ப முன்னேற்றங்களுக்கு பின், 1990-முதல் திரையரங்கு களின் வசந்த காலம் மாறிப் பல சோதனைகளைச் சந்தித்துவருகிறது. பொழுதுபோக்கிற்குத் திரையரங்குகள் மட்டுமே என்றிருந்த நிலைமை, தொலைக்காட்சி வந்த பின் கொஞ்சம் கொஞ்சமாக மாறி, 2000 ஆண்டுக்குப் பின் அதன்

ஆதிக்கம் பெரிதாகி இன்று தொலைக்காட்சிக்குப் பின் திரையரங்குகள் என்ற நிலைமை ஏற்பட்டுள்ளது.

அதனுடன், கேபிள் டிவி சேனல்கள், டிவிடிகள் (திருட்டு டிவிடிகளும் சேர்ந்து), இணையதள இலவச வீடியோக்கள், என்று பல விதமாகப் புதுத் திரைப்படங்களை மக்கள் வீட்டில் இருந்தே பார்க்கிறார்கள். மிகவும் எதிர்பார்க்கப்படும் படத்திற்கு மட்டுமே திரையரங்குகளுக்கு வரும் வழக்கம் ஏற்பட்டுள்ளது. பார்வையாளர்கள் குறைய ஆரம்பித்த பின், பல திரையரங்குகள், இன்று வணிக வளாகங்களாக மாறி வருவது (சென்னையில் மட்டும் சன், அலங்கார், வெலிங்டன், ஆனந்த், சபையர், உமா என பல பிரபல அரங்குகள்) தமிழ் சினிமாவுக்குச் சோதனையை ஏற்படுத்தியுள்ளது.

அதனுடன், கேபிள் டிவி சேனல்கள், டிவிடிகள் (திருட்டு டிவிடிகளும் சேர்ந்து), இணையதள இலவச வீடியோக்கள், என்று பல விதமாகப் புதுத் திரைப்படங்களை மக்கள் வீட்டில் இருந்தே பார்க்கிறார்கள். மிகவும் எதிர்பார்க்கப்படும் படத்திற்கு மட்டுமே திரையரங்குகளுக்கு வரும் வழக்கம் ஏற்பட்டுள்ளது. பார்வையாளர்கள் குறைய ஆரம்பித்த பின், பல திரையரங்குகள், இன்று வணிக வளாகங்களாக மாறி வருவது (சென்னையில் மட்டும் சன், அலங்கார், வெலிங்டன், ஆனந்த், சபையர், உமா என பல பிரபல அரங்குகள்) தமிழ் சினிமாவுக்குச் சோதனையை ஏற்படுத்தியுள்ளது.

ஆனாலும் கடந்த 5 வருடங்களில், மல்டிபிளக்ஸ் எனப்படும் பல திரையரங்குகள் உள்ளடக்கிய, எல்லா வசதிகளும் கொண்ட பொழுதுபோக்கு வளாகங்கள் தமிழகத்தின் பெருநகரங்களில் உருவாகிவருவது, நல்ல ஒரு சூழ்நிலையை ஏற்படுத்திவருகிறது. 1,000 இருக்கைகள் கொண்ட திரை அரங்குகள் இனிமேல் எடுபடாது. எனவே மினிபிளக்ஸ் என்ற அமைப்பின் மூலம், 400 முதல் 500 இருக்கைகள் மட்டும் கொண்ட இரண்டு அல்லது மூன்று அரங்கங்கள் கொண்ட வளாகங்களை எல்லாச் சிறு நகரங்களிலும் ஏற்படுத்துவது, திரையரங்கு வியாபாரத்தை லாபகரமாக நடத்த உதவும்.

தேவை திரையரங்குகள்

ஏழு கோடி மக்கள் கொண்ட தமிழகத்தில், 1,000-க்கும் குறைவாகவே திரையரங்கங்கள் இருப்பது நல்ல சூழ்நிலை அல்ல. அமெரிக்காவில், பத்து லட்சம் மக்களுக்கு, 117 திரையரங்கங்கள் என்ற அளவில் உள்ளன. தமிழகத்தில், பத்து லட்சம் மக்களுக்கு 13 திரையரங்குகள். அமெரிக்காவின் அளவுகோலின்படி பார்த்தால் தமிழகத்தில், 8,000-க்கும் மேல் திரையரங்கங்கள் இருக்க வேண்டும். 2020-ல் குறைந்தது, 2,000 திரையரங்கங்களாவது தமிழகம் காண, அரசாங்கமும், திரையுலகமும் முயற்சி செய்தால், தமிழ்த் திரையுலகம் பெரிய வளர்ச்சியைக் காணலாம்.

மல்டிபிளக்ஸ் புரட்சி மூலம், இந்தி சினிமா இன்று பெரும் வளர்ச்சி பெற்றுள்ளது. அதே போல், தமிழ் சினிமாவில் பல புது முயற்சிகளுக்கு வழி வகுக்க, அனைத்து நகரங்களிலும் மல்டிபிளக்ஸ் / மினிபிளக்ஸ் என்ற புரட்சி ஏற்பட்டு, தமிழகம் 2,000 திரையரங்கங்களை 2020-ல் காண வேண்டும் என்ற உறுதிப்பாட்டினை சாமிக்கண்ணு வின்சென்ட்டை நினைவுகூரும் இந்த நாளில் மேற்கொள்வது பொருத்தமாக இருக்கும்

சமசீர்கல்வி பாட புத்தகம்

சமச்சீர்கல்வி புத்தகங்கள்(click here)